الاختبارات و الحساسيه المزمنه

السـلام عليـكم ورحمـة الله وبـركــاته

يسعد لي ايامكم بعيداً عن هم الاختبارات

كني اشوفكم كذا ههههههههه

الموهيم بما اني قضيت اختبارات ويالله أسألك النجاح مو مهم منتاز :| بس ابي انجح

مالكم في الهذرة الزايده ادري جاتكم موجة هم من طريت الموضوع وناس يحسدوني قضيت < تناظرهم بنص عين

قررت افتح هالموضوع ليكون باب للدعاء للي عليهم اختبارات

وثاني شي للي تخلص اختبارها ولقت فرصه تطمر فيذا وتقول وش هببت باختبارها وتطس

لا اشوف رقعة وجهها فيذا ثاني يعني يكون هذا مجلسنا بعد وقت الاختبار

الزبده يكون مرجع تام لموضوع الاختبارات ~~والهم الدراسي~~ < بعدي مديره ههههههه

يتبع ،،،

[/b][/center]

::

نصــائـح لمـذاكـره صحيحــه + تعليــق شخصــي

طعســات

طعـــوس

الاختبارات و الحساسيه المزمنه Icon_study

::

[ 1 ]

المكان المناسب لك

من الضروري ان تجدين مكان مناسب للدراسه وعلى قدر كبير من الراحه مثل : الطاوله سطح مريح ومقعد مريح واضاءه ممتازه
من السهل إيجاد المكان المناسب إن كنت تعيش بمفردك. أما إن كنت تعيش مع عائلتك، حاول الجلوس بعيدا عن أماكن الضوضاء والحركة في المنزل.

يعني مو تحطين كتبتس بالصاله وصحن حب شمسي وكل البيت عندتس واختس وعيالها جايين عندكم وتبين تسمعين السوالف
لا وليتس بس استماع لا واتناقشين بعد ههههههه ويعنني ادرس وانتي من جنبها

والا ماخذن كتبك ويقالك رايحن تذاكر عند اصدقاك في الاستراحه وانتوا داقينها بلاي ستيشن وسبع شاتات صوتيه

[ 2 ]

جزّء أوقات الدراسة

من الأفضل تحديد فترات للدراسة تتخللها فترات للراحة. فهذا يحول دون الإصابة بالإحباط او
الإجهاد الذي قد يسببه التركيز لمدة طويلة. وهذا الأمر يحتاج لتخطيط. فإذا شعرت أنك بحاجة لساعة كاملة لتعلم مسألة إحصائية،
قم بتقسيم هذه الساعة لثلاث فترات زمنية مدتها 20 دقيقة للدراسة وافصل بينها بـ 20 أو 30 دقيقة للراحة. يمكنك استغلال هذه أوقات الراحة
هذه في أمور كثيرة، كأداء بعض الأعمال المنزلية، أو ممارسة لعبة معينة، أو الاستماع للراديو.
أما إن كان وقتك ضيقا فبإمكانك دراسة مادة ثانية في فترات الراحة هذه.

افهميها عدل مو ثلاث ارباع اليوم على مسلسل نور وسنوات الضياع تشوفين الاصليه
والاعاده على كل القنوات وهمن لاجيتي تخمدين فتحتي الفهرس بس وخططتي اللي بتذاكرينه
بعد عشرين ساعه ضوئيه هههههههه كني اشوفكم جايبين الطامه

لاتكثر زيارات عائليه لعيال خالتك والا عمك ومايبقى عجوز بعايلتكم الا تمر تشفط مخها يقالك واصل
لاخلصت قلت ايه باقي 5 دقايق اخطط وانت ماتدري وين الله حاطك

[ 3 ]

جهّز نفسك ذهنيا

مارس عملية التأمل لتهدئة نفسك وتصفية ذهنك من جميع المشاكل والهموم قبل البدء بالدراسة.
إن كنت تعتقد أن هذا الأمر لا يناسبك، استخدم أساليبك الخاصة لتهدئة نفسك وتصفية ذهنك.
قد يكون من المفيد تجربة قراءة جزء من القرآن، أو صلاة ركعتين، أو الاستماع أو أداء بعض التمارين الرياضية.
لا يهم ما تعمله ما دام يدي إلى تصفية ذهنك قبل البدء بالدراسة.

التأمل يعني التفكير بشيء جميل مثل تتخيلين انتس نجحتي اتمنى ماتفهمين التأمل غلط وتفكرين بفلانه وش كانت
حاطتن على وجهها وش ذا الكونسيلر والا وش ماركة القلوس ذا اللي ماطار من براطمها يوم اتقهوى

يعني في بيتكم مو تطلع برا البيت والا تحوس بالسياره يقالك تتأمل وانت مافيه شارع الا وسحبت فيه

[ 4 ]

التبسيط

ستمرّ عليك أثناء دراستك فقرات تبدو صعبة الحفظ. حاول أن تبسط هذه الفقرات إلى نقاط رئيسية مكوّنة من أفعال وأسماء

التبسيط هو تقليل التعاريف يعني حذف الكلمات اللي مالها سنع ولاتؤدي للمعنى الاساسي بس تحذفين تحذفين
لين تبقى كلمتين [ هو الموئر الذي يؤثر ] وتقفلين التعريف ههههههه

اقوى اختصار القاهـ عند العيال ولاكلمه لايقه والاستاذ يلقط حرف حرف ويصحح
مثواكم الجنه ثراكم ذهب يا اساتذة العيال هههههه

[ 5 ]

تعلّم بينما أنت نائم

أخيرا اقرأ أي شيء تجد صعوبة في تعلّمه قبل الذهاب للنوم مباشرة.
يبدو أن تماسك المعلومات يكون أكثر كفاءة وفاعلية خلال النوم. إن عقلك "النائم" أكثر صفاء من عقلك "المستيقظ".

انا اشك انه اكثر صفاء الا مايبقى حلم كله نصب الا تتحلمين به لان في وقت الاختبارات
يزين النوم وتحلمين باليوم عشرين حلم ههههه وكلهم انتس ماخذتن الوليد بن طلال
هذي النقطه فيها شك بصراحه << فاقعه ضحك

لايوجد تعليق على الشباب في ذا النقطه غير انواع الشخير يدور الحول رصيد احلامهم 2 بس

[ 6 ]

الكتب

يمكنك تثبيت المعلومات في عقلك باتباع أساليب بسيطة، من أهمها (تخطيط وإبراز) الأفكار الهامة في الكتاب.
وهذه بعض الأمور التي قد تساعدك في عمل ذلك:

أرسم دائرة أو مربع حول الكلمات المهمة أو الصعبة.
على الهامش رٌقم الأفكار المهمة والرئيسية.
ضع خطاً تحت كل المعلومات التي تعتقد بأهميتها.

يعني خلي عنتس الاشعار في الكتاب ومايبقى نمط خط انقليزي الا وخطيتيه بحرفتس
واتركي عنتس التفاخر بعايلتس وكتابة القبيله كن كتابتس دستور افريقيا هههههه
وقالوا خطوط ودوائر مو مليون شكل والفسفوري يفضخ العين

ابداع × ابداع من ناحية الشباب لان التدقيق بيكون كبير تأهباً لتجهيز البراشيم المساعده ههههههه
ياجماعه شفت ولد اختي ماغط دشداشته ويكتب بالرصاص جاي من اقصاه واثاريها ابتكار جديد للغش امحق بس

::

كانت هذي بعض النصائح وبعض التعليقات الشخصيه لما اراه بالواقع
يعني ماجبت شي من جيبي < قولي قسم عاد ههههه

مع تمنياتي لكل الطلبه والطالبات بالتوفيق في اختباراتهم

::

دمتم برعاية الرحمن ،،

هلا وغلا

غرام الروح

::

عاد كلش يالمخلصه ههههههههههههههههه

والله ان السبت عندي اختبار وفاله ابو اللي جابه :tongue: خخخخخ

وهالله الله بالنصايح تراها من عين الواقع :cyclops:

وكل ابوكم يطمر هنيه يعلمنا فضايحه اولهم انا

لوووووووووووولز

تمنيات للجميع بالتوفيق ؛؛

::

توووحيتي

يـاربيييييييييييييييه

شبـــح الاختبــارات يطــاردنـي بكـل مكـــان

انـا كمـان اختبــاراتـي قربـــت وتـرانـي نهائــي

يعنــي تضاعفـون لـي الدعـوات :(

بالتوفيــق للجميــــع

جانا الهم جانا والسهر لاقانا يوم اللي نشوفه مانقدر نحبه ونعيش بتعااااااسه :( :(
جانا الهم جانا <<<<<تصيح

ياخرااااااابي كلكم بتخلصون وانا ماخلصت :(
اختباراتي الاسبوع الجاي الله يعيني وياكم
ويوفق الجميع يارب

مي مي
فديتهم الله يعرفون ينصحون Embarassed

تسلمين ياقلبي وربي يوفقك يا خالتي <<<<تخطط على نصور

غاليتي .. غــرآم الــروح ..

:

كااااابوس الاختبارات :(
هم ونكد وملل وكل شي
الاختبارات قربت والنكد حــآآن طاريهـ <<< هذا توبيكي حالياً
:|
ياااااااارب تسهل علينا وعلى الجميع
ياحييهم اللي خلصوا <<< ماتقصد احد ابد :silent:
ابدأ من الاربعااء اختباراتي وان شاءالله مااجيب العيد من بدري ههههههههه
تسلمين غلاتي ع النصائح المهمهـ
فديتك
اللهـ يعطيكـ العافيه يارب
بانتظار جديدكـ
سلمتي ودمتي بخير وسعادة

:

ارق التحــآيـآ واعطرهــآ

:cry: وربي شكلكم يكسر الخاطر

الله يعين بس اقوول انتي وياها عاد كلها اسبوع وشهي هي اختبارات كيمبرج < يارب كتبتها صح بس خخخ

بس جد الراحه تجنن < برا بس

تبون تسمعون سر تعالوا تعالوا

ترى نبض روحي عندها اختبارين اليوم وكل ظني ان العيد جابته خخخخخ

بعد شوي بزخها فيذا تقول لنا وش سوت

بــــربـــ،،

أتمنــــــــى للجمـــــــــــيع التوفيــــــــق إنشـــــــــــاء اللــــــــــه

واللــــــــه يعـــــــينكــــــــم ويقــــــــويكــــــــــم

أمـــــا عـــني أنــــــــا الحمـــــــدللــــــه مـــــــوظـــــــف وأفتكيــــــت البـــراشيــــــم ههههههههه

ولكــــن مــاأخفيـــــكم إنـــه عنــــــدي كـــــابــــوس اللي هــــو قــومــــــة الصبـــــح lol!

وهـــــي السبــب الــرئيســي لكـــــرهــي للمــــدرســــه :lol:

غـــــــــــــرام الـــــروح تســـــلميـــــن علــــي النصـــائـــــح الهــــامــه

طـــــــرح راقــــــــــي ومـــــوضـــوع جــــداً مميــــــــــز

دائمــــــــاً ننتــــــظر إبـــــداعــــــك

ياهلا بك : إحساس شاعر

اجل تقول ذا الكابوس هاااااهـ

اقتباس :

ولكــــن مــاأخفيـــــكم إنـــه عنــــــدي كـــــابــــوس اللي هــــو قــومــــــة الصبـــــح

تدري صدق رويشد يوم قال : ما احد مرتاح

ههههههههههه تدري ليه

انا اداوم عصر وقبل كنت اقول ياشين قومة الصبح بس يوم حسيت بالعصر دريت ان كل الطرق

تؤدي الى روما سيم سيم ... نفس الروتين قومه قومه وحده بس مو صبح لا ظهر بعز القايله

يالبى قومة الصبح بس لاتفكر تداوم عصر تجيب الهم النفسي < معاناهـ

اما براشيم ههههههههه كم فصل خذيت منها اعترف

شكلهم كل صبح جالدينك بالطابور خخخخخ

كني اشوف ذكرياتك على الجدار < تحس انك اول منتهي ههههه

خلك جنبي بس نعزّر بعين اللي عليهم اختبارات

بتفتح لها هنا دكّة طماشه ههههه<<

::

إحساس شاعر

اسعدني مرورك اكثر لاتحرمني اياهـ دوم

دمت بحفظ الرحمن ،،

[/b][/center]
</STRONG>

السـلام عليكم
موضوع بطول وعرض وفي الاخير يطلع للبنات .. وحنا مالنا شي
؟
هههههههههههه

:evil:
الله يوفق الجميـع يارب .. ويوفق كل مجتهد وكسلان< ..

:tongue:
بس اخاف المجتهد يزعل علي ليه تدعي للكسلان
وانا اذاكر واتعب هههههههه
الله يوفقكم يارب
تقديري

اقتباس :

ترى نبض روحي عندها اختبارين اليوم
وكل ظني ان العيد جابته خخخخخ

بعد شوي بزخها فيذا تقول لنا وش سوت

يعني لازم الفضايح على أصولها :tongue:

لا اطمنكم مااختبرت ولا واحد < لعانه نيهاهاهاي :D

كلهم اعتذروا مني < الله يعلم ماصار العكس

المووهم ماختبرت تأجلت اختباراتي

وذاكروا واتركوا عنكم النت وخرابيطه < مين يتكلم

والله يوفقكم وحتى الكسلانين الله يوفقهم خخخخخ

::

تووحيتي

غــ الروووح ــرام

يعطيكـ العااافيــه
وبتوفيق للجميع
<< مرتاحه ماوراه اختبارات ولاهم يحزنون
ههههههههه
تحياتي