°•® ღღ روحـ_نبــض_ــي ღღ ®°•
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول

 

 شعراء الجاهليه في الرياض .. هع هع

اذهب الى الأسفل 
2 مشترك
كاتب الموضوعرسالة
الـ م ـايسترو
ܔْށنبـض نشـيـطܔْށ
ܔْށنبـض نشـيـطܔْށ



ذكر عدد الرسائل : 23
مــزاجـك اليـوم : شعراء الجاهليه في الرياض .. هع هع 2010
تاريخ التسجيل : 28/05/2008

شعراء الجاهليه في الرياض .. هع هع Empty
مُساهمةموضوع: شعراء الجاهليه في الرياض .. هع هع   شعراء الجاهليه في الرياض .. هع هع Icon_minitimeالسبت يونيو 07, 2008 7:57 am

كانوا اربعه في سالف العصر والأوان


المتنبي

و

امرؤ القيس

و

جرير

و

الفرزدق



راكبين سيارة المتنبي ( الكرولا ) وطالعين يتعشون بروستد

طبعا امرؤ القيس ( شايبهم ) كان متضايق لانه


ما يحب طلعات الليل وكان يقول لهم



خلونا نطلب العشاء سفري و كل شوي يلمح لهم ويقول :


" ألا أيها الليل الطويل ألا انجلي *** بصبح وما الإصباح منك بأمثل"




بس الشباب مطنشينه لانهم يحبون البرم في شارع التحليه


عموما المتنبي ما كان منتبه له؟‍!


لان واحد من عليمية الرياض حده بالسياره وخلاه يرقى الرصيف انقهر المتنبي لدرجة انه التفت على الشباب وهو يصارخ :

" من لم يمت بالسيف مات بغيره *** تعددت الأسباب والموت واحد "



بس الفرزدق و جرير ( اللي كانوا راكبين ورا ) ما كانوا فاضين له !


شي غريب جرير والفرزدق راكبين جنب بعض


اكيد انواع المناقر بينهم ( 24 ساعه)



عسى دوم يارب



فجأة عم الهدوء



استغرب المتنبي !!


ماهي عادتهم



اثاريهم قاعدين يكحلون عيونهم



شافو طرف عباه طالعه من جمس ومظلل



تهيض جرير


( عاد ذاك مايبي له شيء ) وقال :


" إن العيون التي في طرفها حور *** قتلننا ثم لم يحيين قتلانا "




وقام يتطلب المتنبي ويترجاه انه يلحق الجمس ..ارجو ان تدوس بترول وتلحق خلفهم (بترول=بنزين)


عاد المتنبي يووووووووه انواع الغرور في ذاك الآدمي


رد عليه:



ما بقي الا هي



أنا المتنبي أنا اللي:
" الخيل و الليل والبيداء تعرفني *** والسيف والرمح والقرطاس والقلم "



تبيني الحق الجمس



اسف ياخي تخيل شافنا ابو العتاهيه بجمس الهيئه بتنفعنا أنت وخشتك .!!


زعل جرير وقفلت معه


وبغى يتضارب مع المتنبي



و لأول مره في تاريخ الشعر العربي



اتفق جرير و الفرزدق على نقطه معينه

وقام الفرزدق يحاول بالمتنبي


وهات يا مدح و دحلسه في المتنبي


" هذا الذي تعرف البطحاء وطأته *** والبيت يعرفه والحل والحرم "



حتى وصل بالمدح الى...


" ما قال لا قط إلا... في تشهده *** لولا التشهد.. كانت لاؤه نعم "




بالأخير انتفخ راس المتنبي و قرر يلحقهم


وهاتك يا مطارد



طبعاً امرؤ القيس راكب قدام


كان مكبر راسه من جهة البنات



بس كان عاجبه الجمس حقهم ( جمس موديل 1004 يداعب الريح )



وما فيه الا غزل بالجمس :


" مكر مفر مقبل مدبر معا *** كجلمود صخر حطه السيل من علٍ "




المهم .. بدأ الجمس يبعد عن الشباب



بدأ جرير يستهزيء بعزم الكورلا ويقول للمتنبي:

" على قدر اهل العزم تأتي العزائم *** وتأتي على قدر الكرام المكارم "




قفلت مع المتنبي وقال للفرزدق :


ما الومك بهالغثيث



والله بعذرك تكرهه



الله يلوم اللي يلومك




قال الفرزدق اجعلها بإثنين حتى تقرص


ردها المتنبي باثنين ودوووووووووووس


وبقدرة قادر صادوا الجمس بالخرج



وقف عند الإشاره جنب الجمس



و قال المتنبي لجرير :


يالله ورنا شطارتك



رد جرير :


اعتبر الموضوع منتهي وياحبيبي ترانا طيحنا بنات مجمع النمر التجاري


انظر وتمعن




اشر جرير للبنات ونزلو القزازه


عاد البنات ما صدقوا خبر



أول ما أشر جرير فتحوا القزازه

وكانت صدمه ما بعدها صدمه !!



شلة طقاقات



الشباب انصرعوا من هول المفاجأه



عاد البنات تحطموا يوم شافوا ردة الفعل


وقاموا يتكلمون عليهم



جرير كان اكثر واحد متأثر



فصار يرد


ويقول لهم :


"فغـضي الطــرف ايتها القبيحه *** فلا باسكال بلغتي و لا فطومه "


"ياماشي درب الزلق لاتأمنن الطيحه *** اغربي عن وجهي ايتها البومه"




طبعا الوضع صار مكهرب بالسياره



بهذا الوقت قال امرؤ القيس:


والله أنى قايله




موضوع فيه غزل و سربته اكيد ابو نواس بيحضر أول واحد


رد الفرزدق :

شف ابو نواس ذا المصلحجي جايب معه عنتره فزعه وقت المشاكل

في الجهة الأخرى



كان عنتره يتميلح جنب البنات


وطالع من فتحة الكامري وهو يقصد ويشعر للبنات


" و لقد ذكرتك والرماح نواهل *** مني وبيض الهند تقطر من دمي فوددت تقبيل السيوف لأنها *** لمعت كبارق ثغرك المتبسم "




ضاق صدر المتنبي بدون سبب


وقال للشباب :


ياناس والله قهر حتى ذا الشين قام يغازل


وبدون مقدمات فتح المتنبي القزازه


و قال لعنتره :
" لا تشتريِ العبد الا و العصا معه *** إن العبيد لأنجاس مناكيد "



عنتره سمع المتنبي والا ما سمعه ويوللللللللللللللع



عاد ابو نواس يحب الشر


طنش البنات ولحقهم بدون ما يقول له عنتره

و قام ابو نواس يكبس لهم ويقول :


توقف مسوي فيها قوي



يوم جا الجد انحشتوا والا صحيح " كلام الليل يمحوه النهار "



لكن المتنبي اشر لهم وقال لهم الوعد عند الفيصليه

في هذي اللحظه



ابو نواس قال لعنتره :



هم اربعه وحنا اثنين ( و المازدا ما تكفينا )



و احيانا الكثره تغلب الشجاعه <<<< يبي يهج



قال له عنتره :


ما عليك بتصل على اكبر مشكلجي بمنفوحه


أول ما يدري أن الموضوع فيه مضاربه بيجيك مدرعم



قال ابو نواس :


منهو ?



رد عنتره :


من غيره



السنايدي .. تأبط شرا



قال ابو نواس :


عز الله اللي راحوا فيها




بس المشكله انهم يوم دقوا على تأبط شرا لقوا جواله مفصول



صرخ عنتره :


افااااااااااااااااا لقد توهقنا.!!



رد ابو نواس :


لم نتوهق ولاهم يحزنون تأبط شرا دايم يجلس في استراحة ابو تمام دق عليه هناك بتلقاه



دق عنتره على الإستراحه


عنتره: هلا السلام



ابو تمام: وعليكم السلام مرحبا



عنتره:عندك تأبط شرا ؟؟



ابو تمام : ايه !!



عنتره: ياعزوتي يابعد حيي الفزعه



الموضوع كيت و كيت تجون والا..لا ؟؟



ابو تمام :

" السيف اصدق إنباء من الكتب *** في حده الحد بين الجد واللعب "



عنتره : أفاااااااا ياذا العلم وش هالكلام


ابو تمام : عاد هذا اللي جاك


عنتره قفل بوجه ابو تمام السماعه


ابو نواس : ما بك ياعنتره


عنتره : الظاهر اننا بنتدمردغ اليوم (بنتدمردغ = بنتصفق)


ابو نواس : يعض على ثوبه وش السالفه طيب وش قال لك


وفي اثناء الحديث بين عنتره و ابو نواس واذ بالمتنبي وجماعته واقفون على رأس عنتره و ابو نواس ويجيهم هاك التصفيق والكفوف الين ما عضو الارض


وبالأخير انتصر المتنبي وجماعته على عنتره و ابو نواس





توته توته خلصت الحتوته



ههههههههههههههههههههه ان شاءالله اعجبتكم القصه
الرجوع الى أعلى الصفحة اذهب الى الأسفل
ابو عزازي
ܔْށنبـض نشـيـطܔْށ
ܔْށنبـض نشـيـطܔْށ



ذكر عدد الرسائل : 17
تاريخ التسجيل : 01/07/2008

شعراء الجاهليه في الرياض .. هع هع Empty
مُساهمةموضوع: رد: شعراء الجاهليه في الرياض .. هع هع   شعراء الجاهليه في الرياض .. هع هع Icon_minitimeالأربعاء يوليو 02, 2008 5:18 am

هع هع

خخخخخخخخخخخخخخخخخخخخخخخخخخ


والله بطني قام يعورني من الضحك والله
الرجوع الى أعلى الصفحة اذهب الى الأسفل
 
شعراء الجاهليه في الرياض .. هع هع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
°•® ღღ روحـ_نبــض_ــي ღღ ®°• :: •·.·`¯°·.·• النبــــض التـرفيـــهي •·.·°¯`·.·• :: روح .. المقــالــب والفـــله-
انتقل الى: