سؤال للبنات ويمكن للشباب انهم يشاركون بس بجدوصراحه ؟؟

موضوع مهم للمناقشة
ارجو من الجميع المشاركة فية

نلاحظ في اماكن الملابس الماركات العالمية والمحلات الشهيرة والمراكز التجارية الكبيرة
يشتغلون فيها شباب من الجنسية اللبنانية والسورية والمصرية طبعا عارفين ليش؟؟

السؤال/ ليش يوم تشتري البنت من هناك او تطلب شي او غرض اول رد بيكون لها

كرمال عيونك

من عيوني

على راسي من فوق

ولا تحملى هم ياقمر

والبنت ممكن تبتسملة وممكن تسكت وتاخذ مقلب في نفسها وتصدق

بس السؤال المهم والمهم جدا جدا جدا
تخيلوا مثلا مثلا مثلا يعني ان الي واقف امامها مواطن بدل الاخ الي يبيع وجات بنت وطلبت شي وقال لها

هلا والله بالقمر

من عيوني يالغالية

انتي تامرين يالشيخة

شو بتكون ردت فعلها؟؟؟؟؟؟؟

1- كف محترم

2- تسبه وتشتمه وتمسح بكرامته الارض

3- نظرة استحقار قوية

4- جميع ما سبق ..

__________________

انتظر ردودكم

دمـــــــــــــــــــــــتم بــــــــــــود

ياهلا ومسهلا فيتس يا الغلا

والله يوم اقرى الموضوع اضحك .. الله يسعد قلبتس

ويسعدني ان يكون لردي محل في متصفحتس ،،

* يشتغلون فيها شباب من الجنسية اللبنانية والسورية والمصرية

* مواطن

انا ماراح اتكلم عن ردة الفعل لان بديهياً بيكون الطناش هو الاساس للاثنين .. بالنسبه لي

ولكن بتكلم وبقولتس السبب [ من وجهة نظري ] ،،

لما نقول سوري لبناني مصري .. دائماً عهدنا منهم هذا الكلام وليس لسواد عيون الزبونه

وانما لدراهمها هههههههه ... وايضاً اغلب هالمجتمعات يكون ذا ردة فعلهم وهذا كلامهم يعني شي معروف

فصار الشيء عاده يعني ماتكون ردة فعل او بالكاد تنعدم ،،

يعني بدال مايقولون [ ابشري ] عندنا بالخليجي يقولون اللي كتبتيه [ بس بحدود ] ،،

اما لنا نقول مواطن ... لا هذي فيها إنّ اقولتس ليش

تعودنا على الشاب المحلي الجفاف في العلاقات العامه .. وان اصبح لسانه معسولاً فيكون

للعلاقات الاخرى التي تأتي تحت ستار المعرفه .. طبعا مفهومه ..

فبديهياً .. لما نسمع هالشي من الشاب المحلي ننقد عليه وياخذ له نظره حاده

فهم شباب ديرتنا وحنا اعلم فيهم يعني منا وفينا نعرف ذا الحركات ....

فلسلامة الشاب المحلي ان يبتعد عن هالحتسي

هلا والله بالقمر

من عيوني يالغالية

انتي تامرين يالشيخة

ويبدله الى

إن شاء الله

فما اعتقد بيطيح منه ضلع بالعكس هي كلمه طيبه ومحببه يكفي ان بها ذكر الرحمن

ومحد يعارضها اصلا ... اما الحتسي اللي فوق مو مقبول ،،

وثقي ثقه تامه لو الشاب الخليجي المكان ستكون معالمه الزبونه الفتاه غير معامله الزبونه الاكبر سن ،،

ولكن الاساس للقبول والرفض هو [ طريقة قول الكلمه ] هنا لنا الحكم سواء مواطن والا خارجي .. ان كانت عاديه

او بهمز ولمز وغمز << متعوب عليها ههههههه

وأخيراً انا لا اعمم شبابنا كلهم وإنما اغلبهم كذا

[ الشر يعم والخير يخص ] <<< مختوم ذا المثل قاضي هههه

كانت هذي وجهة نظري اتمنى تتقبلينها بوسعة صدر

وان كان فيه اي تعقيب على كلامي لاتبخلين فيه ،،

دمتي برعاية الرحمن ،،

تسلميـــن يالغلا على مرورك

وبصــراحه كلامك كله درر

الموضوع ومافيه ان الاجانب متعودين على هالشي يعني مانستبعدها منهم

لكن يوم يجيك مواطن خليجي هنا حنا مانعرف وش نسوي لاننا ماقد سمعنا منه هالكلام

فشي اكيد راح تكون ردت فعلنا اننا ممكن نسوي له اي شي من التعدادات اللي ذكرتها بالموضوع

ومشكور يالغلا على ردك الجميل

ماننـــحرم من تواجدك معانا

دمــت بـــود